Free Website Kaise Banaye & Make Money Online | Inspire Me Hindi

0

Free Website Kaise Banaye : Aaj ke time mein Jyada Se Jyada log online paise kamane Ke different tariko ke baare mein search karte rehte hai. Halanki, unhe sabse aasan or powerful tarika blogging lagta hai. But Seriously, ye itna aasan bhi nahin hai. Iske liye aapke paas hardwork karne ki himmat, Haar na manne ka junoon and patience hona jaruri hai.

Blogging, sach mein online paise kamane ka ek successful method ban chuka hai. Main last 3 years se blogging se paise kama raha hu. Or main ye aasani se keh bhi sakta hu ki hardwork karne wala koi banda is field mein apna naam or paisa dono kama sakta hai.

Free Website Kaise Banaye

Agar aap bhi un logo mein se ek hai jo apne free time ko ek part time earning source mein change karna chahte hai. To blogging ek behtrin tarika hai jo aapki life ko puri tarah se change kar sakti hai. Website blog banake revenue earn karne se pehle main aapko kuch aise bloggers or unki income ke baare mein batana chahta hu. Ho sakta hai, isse aapko thodi inspiration mil jaye or blogging power ka pata bhi chal jaye.

  • Labnol.org – Labnol ke founder ka naam Amit Aggarwal hai. Amit aggarwal ek leading technology blogger hai. Amit ji digital inspiration par write karna pasand karte hai. Amit ji ki online income $40,000 to $45,000 monthly hai INR mein lagbhag 30,27,057 lakhs. Labnol.org pe aapko jyadatar article software tutorials par milenge. Amit ji ki website par primary visitors UK, US or India se aate hai.
  • ShoutMeLoud.com – ShoutMeLoud ko Harsh Aggarwal ne 1st december 2008 mein bnaya tha. Harsh Aggarwal india ke bahut hi famous blogger hai. Harsh apne blog par blogging or make money online ke topic par logo ki madad karte hai. Harsh ji ki income approx per month $35,000 hai in INR 23,54,975 lakhs.
  • MissMalini.com – Miss Malini india ki top female blogger hai. Malini ji apne blog par bollywood ke baare mein share karna pasand karti hai. Malini ji apni website se per month $30,000 tak earn karti hai. Now, malini ji bahut Si female bloggers ke liye ek inspiration ban chuki hai.

I promise, blogging se itna amount kamana easy nahin hai jitna pro bloggers earn karte hai. But haan, agar aap hardwork karne me believe rakhte ho to ye aapke liye mushkil bhi nahi ho sakta. In sabhi pro bloggers ne bahut se years hard work kiya hai jiski wajah se aaj vo is position par baithe hai. Aap sabhi successful bloggers ke baare mein or unki success stories ko search kar sakte hai.

But, main is baat ki guarantee le sakta hu ki aap apne website blog se itna paisa kama sakoge ki shayad aapki sabhi jaruratein puri jaye. Ye baat to aap bhi jante hi hai ki waqt ke sath sath insaan ki aihsiyat or jaruratein bad jati hai. Bas aapko success pane ke liye or paise kamane ke liye patience rakhne ki jarurat padegi.

Aaj ke is article mein aapko ek complete newbie guide read karne ko milegi ki “Free website blog kaise banaye”. For your information, is post mein 3000+ words use kiye gaye hai. So, apne haathon mein coffee ka ek cup le lijiye or aage padna shuru kariye.

Choose Your Blog Topic

Apne blog ke liye topic select karna blogging ka most important factor hai. Aap kisi bhi topic ko select kar sakte hai, but dhyan rahe ki aapko us topic ke baare mein jyada se jyada jankari honi chahiye. Kisi bhi topic ko select karne se pehle apne aap se 2 question puch kar dekhe ki,

  • Kya mein choose kiye gaye topic ko lekar passionate hun?
  • Kya ye topic logo ke liye interesting hoga, kya mere topic ko audience read karna pasand karegi?

Agar in dono questions ke aapke paas valid answers hai to aap next step ke liye ready ho. Dhyan rahe ki aapko aisa topic select karna hai, jise visitors read karna pasand kare. Like aap news, technology, bollywood movies, gadget reviews etc ya apni pasand ke kisi bhi topic ko select kar sakte ho.

Choose Blog Name

Blog name ye prove karne me help karta hai ki aapka blog kis topic par hai or logo ko aapki website ke baare mein yaad rakhne me helpful rehta hai. Most important thing to ye hai ki aapko apne blog ke liye ek unique name decide karna hota hai. aapke blog ka (URL) address kuch aisa hoga Ex – YourBlogName.blogspot.com. Isme subdomain bhi add kiya gaya hota hai “blogspot.com”.

Agar aap is subdomain ko remove karna chahte ho Ex – YourBlogName.com to aapko ek custom domain name buy karne ki jarurat padegi. Otherwise, aapko subdomain ke sath hi website ko run karna padega.

Recommended For Custom Domain

Main personally aapko kehna chahunga ki apne blog ke liye ek custom domain name buy karle. This time, aapko domain name Rs.200 ke under mil jayega. I know, aap thode se confuse jarur honge kyonki humne aapko free website blog banane ke baare mein bataya tha. But, aaj nahin to kal aapko ek domain name buy karna hi padega.

In simple language, jab hum blog create karte hai to blog address mein blogspot.com add kar diya jata hai. Blogspot.com Google ki hi service hai. Tab aapka blog kuch tarah se open hoga – YourBlog.blogspot.com agar aap apne blog ke liye ek domain buy karte ho to aapke blog ka address kuch is tarah ho jayega – YourBlog.com. Then, aapka blog professional website ki tarah tab nazar aayega jab aap ek Domain Name buy karte ho.

Actually, jaruri nahin ki blog banane ke liye pehle domain name buy karna important hota hai. Aapka jab dil kare aap tab domain name khardiye. But, jitna jaldi aap domain kharidoge utna hi better aapki audience or earning ke liye hota hai. Maine jab first time apna blog banaya tha to uske 3 months baad hi domain name kharid liya tha. Agar ho sake to aap jaldi se jaldi buy karne ki koshish kariyega.

Domain name buy karne ke liye mein aapko GoDaddy.com hi suggest karunga.

Create Free Blog on Blogspot Platform

Blogger par free blog banane ki process bahut hi aasan hai. Aapko sirf mere bataye hue instructions ke accordingly steps ko follow karna hai.

1. Login To Blogger.com

First of all, blogger.com par visit kare or Apne gmail account ki madad se sign up kare.

Quick Note : Agar aapke paas Gmail Account nahin hai to Gmail.com par visit karke new account create karle. Otherwise, aap apna blog nahin bana payenge.

Jab aap blogger.com par login kar loge to aapse Google plus ki profile ko select karne ke liye kaha jayega. Sabhi steps complete karne ke baad finally aapko create new blog ka button dikhega. Just uspe click karte hi aapko apne blog ke baare me kuch details submit karni hai.

2. Enter Blog Details

Create new blog ke button par click karne ke baad ek pop up window aapke samne open ho jayegi. Vahan aapko apne blog ke baare mein kuch details submit karni hai.

Free Website Kaise Banaye

  • Title – Yahan aapko apne blog ka name enter karta hai.
  • Address – Yahan aapko ek unique name dena hai, jo pehle kisi ne na diya ho. Keep in mind, yahan jo name diya jayega vo aapke blog ka URL (address) hoga. Ex – YourBlogName.blogspot.com
  • Theme – Apne blog ke liye ek design select kare. Aap baad mein koi dusra design bhi upload kar sakte hai. By default, aapko inhi mein se ek choose karna hai.

And that’s it. Sabhi Fields complete karne ke baad “Create Blog” ke button par click karde. So, aapne 2 minute mein ek successfully brand new blog bana liya. Now, ab hum apne next steps ki taraf badte hai.

3. Create First Blog Post

Free Website Kaise Banaye

Blogspot Blog banane ke baad aapka pehla kaam hai ki apne blog ke liye ek quality post publish karna. Aapko right side mein dashboard nazar aayega, jahan bahut se tools honge. Vahan posts ke tools par click karna hai and uske baad Create new post par. After this, aapke samne ek post ka box open ho jayega vahan apna title or us topic ke baare mein likh ke publish kar sakte hai.

4. Create Some Pages

Free Website Kaise banaye

First post publish karne ke baad aapko kuch page bhi create karne hai. Like About, Contact or Privacy Policy etc. Ye important pages aapke content ko monetize karne me help karte hai. Aasan bhasa mein kahu to iske bina aap paise nahin kama sakoge. Page banane ke liye app Dashboard > Pages > Creat New Page ke option par jaye.

5. Upload New Theme

Free Website Kaise banaye

Agar aap apne blog ke default design ko pasand nahin karte to koi baat nahin. Aapke paas ek nahin hazaaro designs available hai. Aap Gooyaabi Templates ya kisi or sites par visit kare, vahan se apna mann pasand design select karke Download karle and apne blog me uska .xml formate upload karde. Blogger me theme upload karne ke liye aap Dashboard > Theme > Backup & Restore me jaye or vahan apni theme upload karde.

Finally, humne apne blog ki basic settings ko complete kar liya hai. But, dhyan rahe iske alawa bhi bahut se works hote hai jo hum apne blog mein karne padte hai. Like – Layout, SEO settings, Search engines etc.

Ab baat karte hai blog se paise kamane ke baare mein. Apne blog se paise kamane ke liye aapke blog par daily 300 – 400 ka audience aana chahiye. I mean, aapke blog par regular 300 – 400 log visit karne chahiye. Low traffic mein aapki earning na ke barabar hogi.

Blog se paise kamane ka Primary leader hai Google AdSense, jiska option aapke blogger dashboard mein (Earning) available hota hai. Low traffic par bhi hum AdSense ke liye apply kar sakte hai and ho sakta hai ki hume approval bhi mil jaye. Lekin, itne kam traffic par aapki income 0 hogi. So, earning karne ke liye aapko pehle traffic par focus karna hoga.

Boost Blog’s Traffic

Blog ka traffic badhana har ek blogger ki journey ka difficult part hota hai. Aapke online paise kamane ka task tab tak complete nahin ho sakta jab tak aap apne blog par aacha khasa traffic na ho. Because Traffic badhane ke liye sirf great & awesome content hi kaafi nahin hai.

Blog ki traffic badhane ke liye aapke paas bahut se options available hote hai. But, hum kuch useful tariko ke baare mein baat karenge jo traffic ke sath sath ranking improve karne me bhi madad karti hai.

1. Social Media

Agar aap social media par focus karte ho taaki aapka traffic boost ho jaye to facebook and twitter isme major role play karte hai. So, aap apne brand ka page facebook, twitter par create kar sakte hai. Aapke paas 2 type ke promotion available hote hai jisse aapki traffic me growth ho sakti hai.

  • Organic – Aap apne sabhi friends or family ko invite kar sakte hai jisse vo aapke page ko like and follow kare.
  • Paid – Aap apne page ko Facebook and Twitter par promote kar sakte hai. Isse aapka brand popular hone ke sath sath viral bhi ho jayega.

Social Media ki baat ki jaye to isme Google Plus, LinkedIn and Pinterest jaise platforms bhi hai. Jahan aap apna content share karke traffic receive kar sakte ho. Mostly benefit aapko Google+ se hi milega kyonki yahan jyadatar communities mein 1M members tak hote hai. Ho sakta hai aapke blog ko vahan acha response mil sake.

2. SEO – Search Engine Optimization

Blog par organic traffic improve karne ke liye SEO Search engine optimization karna bahut hi jaruri hota hai. But, many newbie bloggers is technique ko ignore kar dete hai jo ki bahut badi galti hai. Without SEO ke na to aapka blog rank hoga, na hi traffic hoga or na hi aapke paas success hogi. I hope, aap samjh gaye honge ki SEO Search Engine Optimization ki kya value hai. Chlo me SEO ko thoda explain kar deta hu, jisse aapko ise samjhne mein aasani hogi.

What is SEO in Hindi

SEO ka full form hai Search Engine Optimization. Search engine kya hai, ye aap sab ko pata hoga. Google in sabhi mein top ka search engine hai but iske sath sath Yahoo, bing jaise search engine bhi available hai. Lekin, in sabhi mein sabse jyada use Google ka kiya jata hai.

SEO humare blog ko Google par No.1 position mein rank karne mein madad karti hai. SEO ek technique hai, jo aapki website ke content ko top result mein show karti hai, jisse sabhi visitors aapke article ko read karne aate hai. Google par jitna acha aapka blog rank karega to utna hi better traffic aapke blog par hoga jisse income kafi had tak bad jati hai.

So, agar aap apne blog ko top rank mein show karna chahte ho to aapko SEO ki puri jankari honi chahiye. Iske liye aap ShoutMeLoud.com and NeilPatel.com par SEO se related articles read kar sakte hai. Otherwise, agar aap hindi me SEO sikhna chahte hai to me SupportMeIndia blog ko recommend karunga.

Monetize Your Website with Ads

Finally, itne lambe process ke baad hum is post ke important point par aa hi gaye ki website blog se paise kaise kamaye. Apne blog ko monetize karne ke me aapko 2 options dunga.

  • Google AdSense
  • Affiliate Marketing

1. Google AdSense

AdSense ek Google ki service ya product hai. Jo website ko monetize karta hai, ye website blog par automatic ads, image ads and videos ads show karta hai. bahut se bloggers ki income and real life Google Adsense par hi tiki hui hai. Agar aapki website blog par Adsense approved ho jata hai to apni website par iske ads use karke 2 tarah se earning kar sakte ho.

  • Impressions : Ye aapki income us hisab se detahai ki aapke ads ko kitni baar dekha gaya hai. For example – Suppose ye aapko 1,000 views ke $1 de sakta hai.
  • Clicks : Ye depend karta hai ki aapke ads par kitne clicks hue hai. For example – Last night mere total clicks 136 the or itne clicks ki earning ne mujhe $312.23 (INR Rs. 21,158) mile.

Jab aapke blog par adsense successfully approved ho jata hai to aap apne mann mutabik ads ko manage or use kar sakte ho. AdSense par sign up karne ke liye aap direct AdSense.com par visit kar sakte hai ya apne dashboard mein earning ke option par click kar sakte hai.

Free Website Kaise Banaye

Important Note : Agar aapne blog par custom domain use nahin kiya hai to aapke blog ko 6 months ke baad hi approval milega. I’m sorry, but kya kare ye Google ke rules hai or hume follow karne padte hai.

So, aapke blog par agar domain name use kiya hua hai to aap Earning ke option mein aane ke baad Sign up for AdSense ke button par click kare and Jo bhi details aapse maangi jayegi use complete karke submit karde.

Agar aap chahte hai ki Google AdSense account kaise banaye ki ek complete guide me aapke sath share karu, to please kuch dino ka wait kare or hume comment section mein bataye ki kya hume iske baare me post write karna chahiye ya nahin? Then, voting ke hisab se hi hum is post ko publish karenge.

2. Affiliate Marketing

Affiliate marketing ek powerful tarika hai apni website ya blog ko monetize karne ka. Iske jariye ek blogger kisi comapny ke product ko apne website ke through sell karta hai and jab koi visitor us Ad par click karke product ko buy karta hai to company hume uska commission deti hai. Hume jo bhi commission milta hai vo company or uske product par depend karta hai.

Affiliate marketing se paise kamane ke liye aapki website blog ka traffic jyada hona chahiye. I mean, low traffic par aapke products ko koi reader buy nahin karega jisse aapki earning nahin ho payegi. Iske liye aapke blog par Minimum traffic 5,000 visitors per day to hona chahiye. So, affiliates use karne se pehle aapko apna traffic boost karne par focus karna hoga.

Aaj ke time mein Affiliate marketing se jyada se jyada log judte ja rahe hai, or apni aachi khasi income bhi kar rahe hai. Main kuch best Affiliate Programs ki list ready ki hai jiske products ko aap apne blog me sell karke paisa kama sakte hai.

Best Affiliate Programs in India 2018

  • Flipkart Affiliate Programs
  • Amazon Affiliate Programs
  • Tata Cliq Affiliate Programs
  • ShopClues Affiliate Programs
  • Jabong Affiliate Programs
  • Big Rock Affiliate Programs
  • MakeMyTrip Affiliate Programs
  • Agoda Affiliate Programs
  • Nearbuy Affiliate Programs
  • eBay Affiliate Programs

Aap inme se kisi bhi company ke affiliates use kar sakte hai. Bas aapko Sign Up karna hai or jo details manngi jayegi, vo submit karni hai. Agar aap apne blog se related Ads ka istemal karenge to aapki jyada kamayi hogi, Mere kehne ka matlab hai ki agar aap technology par content write karte ho to aap tech se related ads ka istemal karna chahiye. Isse readers aapke Ads par click karne me interested honge.

Best Of Luck For Your Blogging Journey

Finally, meri guide yahan complete hoti hai. And i hope, aapko maza aaya hoga, kuch naya sikhne ko mila hoga or free website kaise banaye online paise kamane ke liye right information mil gayi hogi.

Mere blogging carrier ko ab kaafi time ho chuka hai. And meri sabhi jarurate blogging se puri ho jati hai. Aur main ummid karta hu ki aap bhi is field mein apna naam or paisa dono kama loge. Please ek baat ka dhyan jarur rakhiyega, ki aapko paise ke piche nahin bhaagna hai. Aapko bas itna focus karna hai ki meri audience mujhse kis tarah ki information haasil karna chahti hai.

Jaise jaise aap apne readers ko sahi information dene lagoge, usi tarah aapka traffic kaafi had tak badhne lagega. Or vo waqt bhi dur nahin hoga, ki aapke mehnat se kamaye hue paise, aapke din raat kiye gaye hard work ki kamayi aapke haathon mein aayegi. Tab aap sochoge ki ise pane ke liye main najaane kitni raatein jaga hu. And aap jo us waqt feel karoge na seriously, aapne apni life mein kabhi aisa feel nahin kiya hoga.

Waqt Sabko Milta hai Zindagi Badalne Ke Liye,

Par Zindagi Nahin Milti Waqt Badalne Ke Liye.

So, guys isi ke sath alwida kehta hu. Jald hi milenge kisi new topic or ek new idea ko lekar tab take bane rahiye InspireMeHindi ke sath.

Thank you for your support and give me some feedback on that topic. Also don’t forget to share this post with your friends on social media.

LEAVE A REPLY

Please enter your comment!
Please enter your name here